I nokre emne kan ein ha fleire ulike typar grupper som studentane skal plasserast i. Ved andre høve kan det vera viktig at studentane er i dei same gruppene i to eller fleire emne. Ved å nytta rutinen 456.002 Kopiering av partiplasserte fra undervisningsehet til undervisningsenhet kan ein kopiera partiplasserte studentar frå eitt parti til eit anna. Ein kan kopiera frå ein undervisingsaktivitet til ein annan, eitt emne til eit anna eller ein kan kopiera parti frå eit emne eitt semester til eit anna.

Smågrupper og storgrupper:

Døme: I eit emne er det sett opp to ulike gruppetypar: storgrupper på 50 studentar og smågrupper på 10 studentar. Emnet har om lag 100 studentar som skal fordelast.

Smågruppene vil då sjå slik ut;

Gruppe A = 10 studentar
Gruppe B = 10 studentar
Gruppe C = 10 studentar
Gruppe D = 10 studentar
Gruppe E = 10 studentar
Gruppe F = 10 studentar
Gruppe G = 10 studentar
Gruppe H = 10 studentar
Gruppe I = 10 studentar
Gruppe J = 10 studentar

Medan storgruppene vil sjå slik ut:

Storgruppe A - E = 50 studentar
Storgruppe F - J = 50 studentar

I eit slikt tenkt tilfelle kan ein manuelt plassera studentane i smågruppene eller lata studentane sjølv velja smågruppe på Studentweb og så nytta rutinen til å kopiera studentane frå kvar av smågruppene til deira tilsvarande storgrupper.

Same gruppe neste semester

På emne som går over fleire semester kan ein nytta rutinen til å kopiera partiplasseringa frå eitt semester til det neste og slik sikra at studentane har same gruppe gjennom heile emnet.