Diploma Supplement (DS) er eit tillegg til vitnemålet som vert utskrive og tildelt kandidaten samstundes som han får vitnemålet. Dokumentet er meint å gje utfyllande informasjon om kvalifikasjonen som kandidaten har fått. DS er ikkje ei erstatting av vitnemålet, men eit tillegg.

DS følgjer eit fast oppsett og er delt inn i 8 ulike seksjonar. Den siste seksjonen, seksjon 8, er ein fast felles tekst som skildrar systemet for høgare utdanning i det landet der DSet er utskrive (graden er gjeven). Når ein vitnemålstekst vert oppdatert må og det tilsvarande DSet oppdaterast.

Frå våren 2002 vart det innført ei lovbestemt utskriving av Diploma Supplement til alle som får vitnemål ved ein institusjon for høgare utdanning i Noreg (UHL-§ 53.1). Det vil seia at alle vitnemål som vert utskrivne skal ha eit slikt tillegg. Dette var eitt av resultata etter Bologna-prosessen som er eit samarbeid mellom 48 ulike statar om felles retningsliner innan feltet for høgare utdanning.

For meir informasjon om Diploma Supplement kan du sjå EU-kommisjonen sine nettsider om DS.

Kvar i FS vert informasjonen som er med på DS henta?

I lista under er det informasjon om kvar i FS informasjon til kvart punkt i DS vert henta.