I Vurderingsenhet samlebilde, i underbiletet Rom legg du inn eit eksamensrom som skal brukast. Viss det skal brukast fleire rom til same eksamen må alle leggast til i biletet.

Romfordeling

Bruk av biletet Plassering av kandidater på rom

Når rom er lagt i biletet nyttar ein biletet Plassering av kandidater på rom. Her kan ein til dømes fordela kandidatane på romma etter kandidatnummer (dette er standard ved HVL).

Når du søkjer opp emnet du skal plassera kandidatane for får du opp ein førekomst for kvart rom som er sett av til denne eksamenen. På kvar av desse står emnenamnet, campus, romnummer og -namn, informasjon om eksamenen og kapasiteten til rommet. Om du blar nedover vil du finna alle romma som er sett av til denne eksamenen.

Ein skal først plassera alle kandidatane som har søkt om - og fått innvilga - tilrettelegging til eksamen (til dømes einerom, ekstratid og så bortetter) for å sikra at dei får dei romma dei treng. Du fjernar då avkryssingane for Klassefordelt liste og Vis studenter som er plassert i rom. Kryss så av for Vis kun studenter med spesialtilpasning.

Når desse studentane er plasserte på rom (køyr først rutinen ein gong utan oppdatering av databasen for å sjekka at alt ser bra ut - så ein gong med) kan resten av kandidatane plasserast på rom. Du trykker då ein gong i avkryssingsruta for studentar med spesialtilpassing slik at haken vert endra til ein firkant. Du får då opp alle kandidatar utan tilrettelegging. Sorter lista etter kandidatnummer ved å høgreklikka og legga kandidatløpenr øvst i lista til høgre. Kandidatane vert sortert etter kandidatnummer, sjølv om desse ikkje er synlege i biletet. Du kan så plassera kandidatane på rommet. Dette kan du anten gjera ved å leggja over ein og ein kandidat ved å bruka pila ved namnet til kandidaten, eller ved å bruka pila øvst i biletet. Viss du brukar pila øvst vil rommet verta fylt med kandidatar etter sorteringa i lista.

Romplassering

Det er viktig å hugsa på at dersom det er plassert kandidatar frå ei anna vurderingseining i rommet frå før vil ikkje denne måten å gjera det på ta omsyn til dette. Rommet vil verta fylt til totalkapasiteten sin med studentar frå den eininga ein står i. Dersom ein skal ha studentar frå fleire einingar inn i same rom må ein bruka knappen ved sidan av kvar enkelt student.

Studentane ligg no i eksamensromma etter kandidatnummer slik at dei er sortert på kommisjon. Om ein ønskjer å fjerna ein kandidat frå eit rom markerer ein denne slik at kandidaten vert aktiv og trykkjer Slett rad. Kandidaten vert då lagt over i feltet til høgre igjen. Hugs at denne kandidaten så må fordelast på eit anna rom.

Bruk av rutinen FS536.003 Fordele kandidater på rom

I staden for å bruka fordelingsbiletet kan ein bruka rutinen FS536.001 for å fordela kandidatane på eksamensrom. Dette krev at det er lagt inn 'J' i valet for Fordel kandidater og Fordel på rom. Rutinen kan nyttast for stad (fakultet, institutt osb) eller Campus (dette er berre i testversjon enno), eksamensperiode og vuurderingsstatus og kan sortera kandidatane på ulike måtar

Rutinen tek omsyn til feltet Kun for spesialtilpasning i underbiletet Rom i Vurderingsenhet samlebilde. Det vil seia at om eit rom er merkt med at det berre skal nyttast til tilrettelegging er det berre studentar som har innvilga søknad om dette som vil verta fordelte på desse romma.