Når det er obligatoriske aktivitetar i eit emne som studentane må få godkjent før dei får gå opp til vurdering må godkjenningane registrerast i FS. For at ein skal kunna ta ut godkjenningslister og seinare registrera godkjente og ikkje godkjente obligatoriske aktivitetar i FS må dei obligatoriske aktivitetane vera registrert i vurderingskombinasjonen til emnet. Både i Vurderingskombinasjon og Vurderingsenhet kan ein sjå kva obligatoriske aktivitetar som er knytt til emnet.

Obligatoriske aktivitetar skal alltid ha karakterregel 5 Godkjent/Ikkje godkjent. Alle andre karakterreglar vil gje feilmelding i registreringsbiletet. Karakterregel vert sett i biletet Vurderingskombinasjon samlebilde.

Obligar vurderingskomb

Viss emnet har utgåtte obligatoriske aktivitetar kan ein setja kryss i boksen Kun aktive kombinasjonar for å gjera biletet meir oversiktleg.

Godkjenning i Fagpersonweb
Dei aller fleste emna har godkjenning av obligatorisk aktivitet i Fagpersonweb. Faglærarar som skal ha tilgang til å godkjenna obligar her må vera lagt inn med rolla faglærer eller emneansvarlig i FS. Ved innlogging i Fagpersonweb kan ein så trykkja på menyvalet Godkjenning av oblig. aktiviteter og får opp ei liste over kva emne ein har ansvar for å godkjenna obligar i. Her kryssar ein av studentane som har fått godkjenning av dei ulike obligane og godkjenner godkjenninga. Om ein kryssar feil kan ein retta opp i dette seinare. Sjå elles Obligregistrering i Fagpersonweb for fagperson

Godkjenningsliste

Faglærar kan nytta rapporten 555.002 Godkjenningsliste - obligatoriske aktiviteter for vurderingsmeldinger for avkryssing av studentar som har godkjente aktivitetar (ta vekk kryssa for fødsels- og personnummer før utskrift). Det er mogleg å laga lister for kvar enkelt oblig i emnet eller ei samleliste for godkjenning av alle obligatoriske aktivitetar.

Godkjenningsliste

Registrera godkjenning av obligatoriske aktivitetar

Når ein skal godkjenna obligatoriske aktivitetar i FS brukar ein biletet Godkjenning av obligatoriske aktiviteter. Ein søkjer fram emnet vurderinga gjeld for og vel den obligatoriske aktiviteten ein vil godkjenna for. Det er viktig å dobbelklikka på rett aktivitet for å sikra seg at ein ikkje godkjenner alle aktivitetar på ein gong. Ein godkjenner aktiviteten ved å haka av i boksen for Godkjennes nå. Det er og mogleg å velja knappen Godkjenn alle. Då må ein fjerna markeringa for dei studentane som eventuelt ikkje har fått godkjent.

Studentar som har fått godkjent aktiviteten tidlegare og der godkjeninga framleis er gyldig vil ha eit kryss i kolonna OK saman med informasjon om kva tid siste godkjenning av aktiviteten vart registrert.
Dersom ein student har fått fritak frå ein obligatorisk aktivitet kryssar ein av i kolonna Fritak. Dette opnar ein dialogboks der ein skriv inn årstal og semester. Det vert så genrert ei godkjenningssak knytt til dette.
- Saka vert handsama og markert som Behandlet så snart ho er oppretta. Det skal likevel skrivast inn søknadsdato og kva studieprogram det gjeld.
Det er ikkje nødvendig å markera i kolonna Godkjennes ikke for studentar som ikkje har godkjente obligatoriske aktivitetar. Så lenge det ikkje er avkryssa i Godkjennes nå eller OK vil studenten ikkje ha ein godkjent aktivitet.
Dersom ein student har trekt seg frå vurdering vil han ikkje koma opp på lista utan at ein kryssar av for Inkluder trekk. Dette er viktig å sjekka for at studentar som har fått godkjent aktivitet men så har trekt seg før registreringa skal få med seg sine obligatoriske arbeidskrav til neste semester.
Studentar som er undervisingsmeldt og ikkje vurderingsmeldt vil ikkje koma fram i lista om ein ikkje kryssar av for Inkluder undervisningsmeldte. Desse studentane vil vera markert med blå skrift i lista. Dersom ein framleis ikkje får opp studenten kan han leggjast til ved å trykka på knappen Legg til student.
Når ein er ferdig med registreringa av godkjenningar for ein obligatorisk aktivitet markerer ein at registreringa er fullført. Dette gjer ein ved å trykka på knappen Registrering fullført. Det vil koma opp eit bilete der ein kryssar av for dei aktivitetane som er ferdig registrerte. Når ein står i ein av desse aktivitetane i godkjenningsbiletet vil ein kunna sjå kva tid registreringa vart fullført og kven som har fullført henne (brukarnamn).
Studentane skal få informasjon om godkjent/ikkje godkjent obligatorisk aktivitet og ein må difor overføra registreringane for dei aktuelle delane av vurderingseininga til protokoll.